Dekorativ travertin asosidagi gips zaharli emas, quritganda zaharli gaz chiqarmaydi. Travertin mutlaqo xavfsiz va ekologik toza. U hatto radioaktiv elementlarning eng kichik qismini ham o'z ichiga olmaydi, shuning uchun u sizning uyingizda har qanday miqdorda mavjud bo'lishi mumkin..

Travertin bilan qoplangan ust har qanday namlikni o'tkazmaslikni ya'ni uning sovuqqa chidamliligini ta'minlaydi - tosh ichida namlik bo'lmaydi, shuning uchun sovuq paytida uni hech nima muzlatmaydi. Travertin plitkalari namlik ta'sirida ko'rinishini yo'qotmaydi, har qanday ifloslanishdan oson tozalanadi.

Dag'al tuzilishi tufayli, travertin ko'pincha yurish yo'llari va teraslarni yaratish uchun ishlatiladi, shuningdek, arklar va ustunlar uchun juda mos keladi. Toshning qattiq sirtli yuzasi mahsulotning dizayni va landshaftga antiqa ko'rinish bahsh etadi.

Travertin o'z hususiyatlariga o'xshash bo'lganlarga nisbatan arzon narxga ega, shu bilan birga u har doim munosib va chiroyli ko'rinishga ega. Travertin plitkalari ko'pincha hukumat binolari yoki madaniy muassasalarning ham tashqi devor qoplamalari uchun ishlatiladi.

Hozirgi kunda, travertin asosidagi dekorativ gipsni qo'llash qulayligi, tashqi ko'rinishining ko'rkamligi, undan foydalanishda va ishlab chiqarishda ham narxi ancha arzon bo'lganligi sababli mashhur bo'lib kelmoqda. Ehtimol siz uylarda travertin yoki jigarrang marmardan yasalgan zinapoyalar, pollar va hammomlar tobora ko'proq paydo bo'la boshlaganini payqagandirsiz. Gap shundaki, travertin yog'ochni juda eslatib turadi. Shuning uchun, travertin bilan qoplangan xonalar, xuddi yog'ochdan yasalgan kabi, juda qulay ko'rinadi - ularda osoyishtalik va iliqlik muhiti hukmronlik qiladi. Shu bilan birga, travertin har qanday yog'ochga qaraganda ancha mustahkam va ixcham. Bunday dekorativ gipsning deyarli 90 foizi travertindan iborat.